ବିଜେପି ପକ୍ଷରୁ 40 ନମ୍ବର ଓ୍ବାର୍ଡରେ ଜନସଂପର୍କ ପଦଯାତ୍ରା
ଭୁବନେଶ୍ବର: ଭୁବନେଶ୍ବର ମଧ୍ୟ ନିର୍ବାଚନ ମଣ୍ଡଳୀର 40 ନମ୍ବର ଓ୍ବାର୍ଡ ଅନ୍ତର୍ଗତ ୟୁନିଟ୍ -1 ଅଞ୍ଚଳରେ ବିଜେପି ପକ୍ଷରୁ ଜନସଂପର୍କ ପଦଯାତ୍ରା ଅନୁଷ୍ଟିତ ହୋଇଯାଇଛି । ଜନସଂପର୍କ ପଦଯାତ୍ରାରେ ବିଧାୟକ ପ୍ରାର୍ଥୀ ଜଗନ୍ନାଥ ପ୍ରଧାନଙ୍କ ସହ ଓ୍ବାର୍ଡ ପ୍ରମୁଖ ଅଭୟ ଦାଶ,ଓ୍ବାର୍ଡ ସହ ପ୍ରମୁଖ ଲଳିତ ମୋହନ ଜେନା, ଓ୍ବାର୍ଡ ସଂଯୋଜକ ତୁଳସୀ ବିଶୋଇ,ପୂର୍ବତନ କର୍ପୋରେଟର ସୋମଶେଖର ବେହେରା,ଯୁବନେତା ଚଣ୍ଡିପ୍ରସାଦ ବେହେରା, ପ୍ରଭାତ ମଲ୍ଲିକଙ୍କ ସହ ଶତାଧିକ କାର୍ଯ୍ୟକର୍ତ୍ତା ସାମିଲ ହୋଇଥିଲେ ।
ବିଜେପିର ଶତାଧିକ କାର୍ଯ୍ୟକର୍ତ୍ତା ଲୋକମାନଙ୍କୁ ଭେଟିବା ସହ ମୋଦି ସରକାରଙ୍କ ବିଭିନ୍ନ ଯୋଜନା ବିଷୟରେ ବୁଝାଇଥିଲେ । ସ୍ଥାନୀୟ ଅଞ୍ଚଳର ଲୋକମାନେ ଅଞ୍ଜଳର ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ଅଞ୍ଚଳର କିଛି ସମସ୍ୟା ବର୍ଷ ବର୍ଷ ଧରି ରହିଥିବା ବେଳେ ତାହାର ସମାଧାନ ହୋଇପାରୁନଥିବା ଲୋକମାନେ ଶ୍ରୀ ପ୍ରଧାନଙ୍କୁ ଜଣାଇଥିଲେ । ଆଗାମୀ ଦିନରେ ସମସ୍ୟା ସମାଧାନ ନେଇ ପ୍ରଶାସନ ଆଗରେ ଦାବି ଉପସ୍ଥାପନ କରାଯିବ ବୋଲି ଶ୍ରୀ ପ୍ରଧାନ ପ୍ରତିଶ୍ରୁତି ଦେଇଥିଲେ ।
ଏହି ଅବସରରେ କାର୍ଯ୍ୟକର୍ତ୍ତାମାନେ ଘରକୁ ଘର ବୁଲି ନରେନ୍ଦ୍ର ମୋଦି ସରକାରଙ୍କ ସଫଳତାର ପୋଷ୍ଟର, ଷ୍ଟିକର ଲଗାଇଥିଲେ । ରାଜ୍ୟରେ କିପରି କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ଲୋକଙ୍କୁ ଶକ୍ତି ଓ ସାମର୍ଥ୍ୟ କରାଇଛି ତା ବିଷୟରେ ଲୋକଙ୍କୁ ବୁଝାଇଥିଲେ । ଏହି କାର୍ଯ୍ୟକ୍ରମରେ ଶତାଧିକ ଲୋକ ସାମିଲ ହୋଇ କେନ୍ଦ୍ର ସରକାରଙ୍କ ନୀତିକୁ ସମର୍ଥନ କରିବା ସହ ହସଖୁସିରେ ପଦଯାତ୍ରାରେ ସାମିଲ ହୋଇଥିଲେ ।
