ଜଳୁଛି ଶିମିଳିପାଳ, ପୋଡିଗଲାଣି ଅନେକ ମୂଲ୍ୟବାନ ଗଛ
ଉଦଳା: ସଙ୍କଟରେ ଶିମିଳିପାଳ । ହୁତୁ ହୁତୁ ହୋଇ ଜଳୁଛି ଶିମିଳିପାଳ । ଦୀର୍ଘ ସମୟ ଧରି ଶିମିଳିପାଳ ଅଭୟାରଣ୍ୟର ଗୋଟିଏ ରେଞ୍ଜରେ ନିଆଁ ଲାଗିଛି । ଏବେ ନିଆଁ ପୁରା ଜଙ୍ଗଲକୁ ବ୍ୟାପିବାରେ ଲାଗିଛି ଏବଂ ହୁ ହୁ ହୋଇ ଜଳୁଛି ଶିମିଳିପାଳ । ରାତିରେ ଶିମିଳିପାଳ ଜଳିବାର ପ୍ରକୃତ ଚିତ୍ର ସାମ୍ନାକୁ ଆସିଛି ।
ଶିମିଳିପାଳ ଅଭୟାରଣ୍ୟର ପୋଡାଡିହା ରେଞ୍ଜ ଅଧିନ ଅନନ୍ତପୁର ବିଟ୍ ଅଂଚଳ ଜଳୁଛି । ଏହି ବିଟ୍ ଅଧିନ ଉପର ବାରଡାଙ୍ଗୁଆ, ସାରବସା, ଭୁଣ୍ଡାସାହି, ମାଣିକପୁର, ପଥରଖଣି, ଖଣ୍ଡାଚିରା, ଅନନ୍ତପୁର ଆଦି ଅଂଚଳରେ ବ୍ୟାପକ ଭାବେ ନିଆଁ ଲାଗିଛି । ନିଆଁ ଏହି ଅଞ୍ଚଳରେ ଥିବା ଜଙ୍ଗଲରେ ଲାଗି ସାରିଥିବା ବେଳେ ହୁ ହୁ ହୋଇ ଜଳୁଛି । ପାଖାପାଖି ଦୁଇ କିଲୋମିଟରରୁ ଅଧିକ ଅଞ୍ଚଳରେ ନିଆଁ ଲାଗିଥିବା ବେଳେ ଏହା କ୍ଷୀପ୍ର ବେଗରେ ବ୍ୟାପିବାରେ ଲାଗିଛି ।
ଗୋଟିଏ ଦିନ ପୂର୍ବରୁ ମାଣିକପୁର ଅଞ୍ଚଳରେ ନିଆଁ ଲାଗିଥିବା ବେଳେ ଆୟତ ହୋଇନଥିବାରୁ ତାହା ଅନନ୍ତପୁର ବିଟ୍ ଅଞ୍ଚଳକୁ ବ୍ୟାପିଛି । ନିଆଁ ଏତେ କ୍ଷୀପ୍ର ଗତିରେ ବ୍ୟାପୁଛି ଯେ କମ୍ ସମୟ ମଧ୍ୟରେ ଅନନ୍ତପୁର ବିଟ୍ ଅଂଚଳର ବହୁ ବଡ ବଡ ଗଛ, ଔଷଧୀୟ ବୃକ୍ଷ ପାଉଁଶ ହୋଇଯାଉଛି । ଜଣେ ଜଙ୍ଗଲ ବିଭାଗ କର୍ମଚାରୀଙ୍କ ଅନୁସାରେ ନିଆଁ ଶିମିଳିପାଳର ଉପରମୁଣ୍ଡରେ ଲାଗିଛି ଯାହାକି କୋର ଏରିଆକୁ ମାଡିଛି । ଆୟତ କରିବାକୁ ଚେଷ୍ଟା ଚାଲିଛି । ବଫର ଏରିଆ ଛାଡି କୋର ଏରିଆ ନିଆଁ ମାଡିଥିବା ବେଳେ ଶିମିଳିପାଳ ଏବେ ସଙ୍କଟରେ ।
