ଡମ ସମାଜ କେବିକେ ଜିଲ୍ଲାରେ ନିର୍ବାଚନରେ ନିର୍ଣ୍ଣାୟକ ଭୂମିକା ଗ୍ରହଣ କରିବ
ଭୁବନେଶ୍ବର: ରାଜ୍ୟରେ ଏବେଠାରୁ ନିର୍ବାଚନୀ ଉଷ୍ମତା ଆରମ୍ଭ ହୋଇଥିବା ବେଳେ ସରକାର ଅସହାୟ ଅବହେଳିତ ଲୋକଙ୍କ ପାଇଁ ଗୋଟିକ ପରେ ଗୋଟିଏ ଲୋକାଭିମୂଖୀ ଯୋଜନା ଘୋଷଣା କରିଛନ୍ତି । ତେବେ ଓଡ଼ିଶାର କେବିକେ ଜିଲ୍ଲାରେ ଡମ୍ ସମାଜ ପକ୍ଷରୁ ସେମାନଙ୍କ ସାମାଜିକ ଓ ଅର୍ଥନୈତିକ ସାଂସ୍କୃତିକ ଏବଂ ଭାଷାଗତ ଉନ୍ନତି ପାଇଁ 5ଟି ଅଧ୍ୟକ୍ଷଙ୍କୁ ଭେଟିବା ପାଇଁ ଡମ ସମାଜ ପକ୍ଷରୁ ଅନୁରୋଧ ପତ୍ର ପଠାଯାଇଛି । 5ଟି ଅଧ୍ୟକ୍ଷ ଭି କେ ପାଣ୍ଡିଆନଙ୍କୁ ଭେଟି ଡମ ସମାଜର ସର୍ବାଙ୍ଗୀନ ଉନ୍ନତି ପାଇଁ ଆଲୋଚନା କରିବା ପାଇଁ ସମାଜ ପକ୍ଷରୁ କୁହାଯାଇଛି । ଏହି ପତ୍ରରେ କୁହାଯାଇଛି ଯେ ଡମ ସମାଜ ଦକ୍ଷିଣା ଓଡ଼ିଶାରେ ସଂଗଠିତ ହୋଇ କାମ କରୁଛି । ରାୟଗଡ଼ା, କୋରାପୁଟ, ନବରଙ୍ଗପୁର ଓ କଳାହାଣ୍ଡି,କନ୍ଧମାଳ, ଗଜପତି ସମେତ ବିଭିନ୍ନ ଜିଲ୍ଲାରେ ଡମ ସମାଜର 10 ଲକ୍ଷ ଲୋକବାସ କରନ୍ତି । ଏହି ସଂଖ୍ୟା ସମୁଦାୟ ଅନୁସୂଚିତ ଜାତି (ଏସସି)ର 15ରୁ 20 ପ୍ରତିଶତ । ତେବେ ସବୁ ଜିଲ୍ଲାରେ ଥିବା ଅନୁସୂଚିତ ଜାତି (ଏସସି)ର 95 ପ୍ରତିଶତ ହେଉଛନ୍ତି ଡମ ସମୁଦାୟ । ତେଣୁ ଏହି ସମାଜର ସାମାଜିକ ଉନ୍ନତି ଓ ଉତ୍ଥାନ ପାଇଁ ମଧ୍ୟ ଦୃଷ୍ଟି ଦେବା ଆବଶ୍ୟକ ।
ଡମ ସଂସ୍କୃତି ରାଜ୍ୟ ତଥା ଦେଶରେ ଏକ ପ୍ରାଚୀନ ସଂସ୍କୃତି । ଡମ ସଂସ୍କୃତି ଓ ଅସ୍ମିତା ଭାଷା ସାହିତ୍ୟ ଅତ୍ୟନ୍ତ ସମୃଦ୍ଧ । ଲୋକ କଥା, ଲୋକ ଗୀତ ଆଦି ଭରି ରହି ଥିବା ବେଳେ ପାଲି ପ୍ରାକୃତ ଭାଷାର ମୂଳ ପିଣ୍ଡ ଡମ ଭାଷା । ସେହିପରି ଲୋକସାହିତ୍ୟ ଡମ ସଂସ୍କୃତିର ମୂଖ୍ୟ ଅଙ୍ଗ ଡମ ବାଜା ଆଦି ଏ ଜାତିର ସଂସ୍କୃତିକୁ ଏକ ମୈାଳିକ ପରିଚୟ ଦେଇଛି । ଡମ ସମାଜର ଉନ୍ନତି ପାଇଁ ରାଜ୍ୟ ଅନୁସୂଚିତ ଜାତି ସଂଘର ଉପଦେଷ୍ଟା ତଥା ଡମ ସମାଜର ମୁଖ୍ୟ ପରାମର୍ଶଦାତା ଡ ଦୟାନିଧି ବାଘ ଏହାର ସଂସ୍କୃତି ଓ ଭାଷା ଓ ଡମ ସମାଜର ଉନ୍ନତି ପାଇଁ ସରକାରଙ୍କ ସହଯୋଗ ଲୋଡିଛନ୍ତି ।
ସେହିପରି ଡମ ସମୁଦାୟର ଶିକ୍ଷା କ୍ଷେତ୍ରରେ ଅଗ୍ରଗତି ପାଇଁ ସ୍ବତନ୍ତ୍ର ଦୃଷ୍ଟି ଦେବା ପାଇଁ ଡମ ସମୁଦାୟ ଆଶା ରଖିଛି । ନିଯୁକ୍ତି କ୍ଷେତ୍ରରେ ସୁଯୋଗ ସୃଷ୍ଟି କରିବା ଲକ୍ଷ୍ୟ ନେଇ ଡମ ସମାଜ ଆଲେଚାନା କରିବାକୁ ଚାହୁଁଛି । ରାଜ୍ୟ ସରକାର ସାମାଜିକ କଲ୍ୟାଣ ପାଇଁ ବହୁ ଯୋଜନା ପ୍ରଣୟନ କରିଛନ୍ତି । ଏହା ସ୍ବାଗତଯୋଗ୍ୟ ପଦକ୍ଷେପ । ତେବେ ଡମ ସମୁଦାୟଙ୍କ ଉତଥାନ ପାଇଁ ସ୍ବତନ୍ତ୍ର ଯୋଜନା ପ୍ରଣୟନ କଲେ ଅର୍ଥନୈତିକ କ୍ଷେତ୍ରରେ ଡମ ସମାଜ ଆତ୍ମନିର୍ଭରଶୀଳ ହୋଇପାରିବ । ଶାସକ ଦଳ ବିଜେଡି ଡମ ସମାଜର ନେତୃତ୍ବ ନେଉଥିବା ଡ ଦୟାନିଧି ବାଘଙ୍କୁ ରାଜନୀତି କ୍ଷେତ୍ରରେ ସୁଯୋଗ ଦେଲେ ବିଜେଡି କ୍ଷେତ୍ରରେ ସୁଯୋଗ ଦେଲେ ବିଜେଡି ପ୍ରତି ଡମ ସମାଜର ଅଧିକ ଆନୁଗତ୍ୟ ପ୍ରକାଶ ପାଇବ । ଅନୁସୂଚିତ ଜାତିର ପ୍ରଗତି ପାଇଁ ଏହି ସଂଗଠନ ତାର ଭାଷା ଓ ଅଭିବୃଦ୍ଧି ନିମନ୍ତେ ଉଦ୍ୟମ ଜାରି ରଖିଛି ।
ଡମ ସମାଜର ସାମାଜିକ ଅର୍ଥନୈତିକ ଉନ୍ନତି କରିବା ସହ ରାଜନୈତିକ କ୍ଷେତ୍ରରେ ନେତୃତ୍ବ ନେଉଥିବା ବ୍ୟକ୍ତିମାନଙ୍କୁ ସଂରକ୍ଷିତ ଆସନରେ ନିର୍ବାଚନ ଲଢ଼ିବାକୁ ଶାସକ ଦଳ ବିଜେଡି ସୁଯୋଗ ଦେଲେ ଅଞ୍ଚଳର ଉନ୍ନତି ସହ ଲୋକମାନେ ଉପକୃତ ହେବେ ଶ୍ରୀ ବାଘ ଆଶା ରଖିଛନ୍ତି ।
