ଗାଡ଼ି ରଖିବାକୁ ନେଇ ସ୍ଥାୟୀ ଓ ଉଠା ଦୋକାନୀ ମୁହାଁମୁହିଁ, ୧ ନମ୍ବର ହାଟର ୧୨ ଶହରୁ ଅଧିକ ଦୋକାନରେ ତାଲା
ଭୁବନେଶ୍ୱର: ରାଜଧାନୀ ଭୁବନେଶ୍ୱରର ସବୁଠୁ ବଡ଼ ମାର୍କେଟ ଏକ ନମ୍ବର ମାର୍କେଟରେ ତାଲା ପଡ଼ିଛି । ଗାଡ଼ି ରଖିବାକୁ ନେଇ ସ୍ଥାୟୀ ଓ ଅସ୍ଥାୟୀ ଉଠା ଦୋକାନୀଙ୍କ ମଧ୍ୟରେ ବିବାଦ ପାଇଁ ୧ ନମ୍ବର ହାଟ ବନ୍ଦ ରହିଛି । ବିବାଦର ସମାଧାନ ନହେବା ଯାଏ ହାଟ ବନ୍ଦ ରହିବ ବୋଲି ସଂଘ କହିଛି ।
ଅମିତ ଶାହଙ୍କ ଶରଣ ପଶିଲେ ସୌମ୍ୟରଞ୍ଜନ, ଆଉ ‘ସମ୍ବାଦ’ରେ ଖୋଳତାଡ଼ କରିବନି EOW !
ଗାଡ଼ି ପାର୍କିଂକୁ ନେଇ ଗୁରୁବାର ସ୍ଥାୟୀ ଦୋକାନୀ ଓ ଉଠା ଦୋକାନୀ ମୁହାଁମୁହିଁ ହୋଇଥିଲେ । ଫଳରେ ଶୁକ୍ରବାର ୟୁନିଟ୍-୧ ହାଟରେ ୧୨ ଶହରୁ ଅଧିକ ସ୍ଥାୟୀ ଓ ୧୦୦ ଅସ୍ଥାୟୀ ଦୋକାନ ବନ୍ଦ ରହିଛି । ହାଟ ବାହାରେ ଥିବା ଦୋକାନୀ ୧୦ରୁ ୧୦ ଫୁଟ୍ ଦୋକାନ ବାହାରକୁ ଅକ୍ତିଆର କରି ରଖିଛନ୍ତି । ଫଳରେ ଫୁଟପାଥ୍ ସଙ୍କୁଚିତ ହୋଇଛି । ଖାଲି ସେତିକି ନୁହେଁ ଫୁଟପାଥରେ ମଧ୍ୟ ଅସ୍ଥାୟୀ ଦୋକାନୀ ପସରା ମେଳାଇଛନ୍ତି ।
ଫଳରେ ହାଟକୁ ଆସୁଥିବା ଲୋକେ ଯିବା ଆସିବା ପାଇଁ ଅସୁବିଧା ଭୋଗୁଛନ୍ତି । ଏହାଫଳରେ ଲୋକମାନେ ରାସ୍ତାରେ ଗାଡ଼ି ରଖି ୧୦୦ ଟଙ୍କାରେ ପରିବା ନେବାକୁ ଆସି ଏକ ହଜାର ଟଙ୍କା ଫାଇନ୍ ଦେଉଛନ୍ତି । ତେଣୁ ହାଟକୁ ଆସିବାକୁ ମନ ବଳାଉ ନାହାନ୍ତି ଗ୍ରାହକ । ଫଳରେ ବ୍ୟବସାୟ ହେଉନି। ଯାହାକୁ ନେଇ ବିଏସମି କମିଶନରଙ୍କ ସହ ସଂଘ ଆଲୋଚନା କରିଛି । କମିଶନର ୪ରୁ ୫ଦିନ ସମୟ ମାଗିଛନ୍ତି ।
