ମହିଳାଙ୍କୁ ସଂରକ୍ଷଣ ଦେବା ପାଇଁ ଫିଟିଲା ବାଟ, ‘ନାରୀ ଶକ୍ତି ବନ୍ଦନ’ ବିଲକୁ ରାଷ୍ଟ୍ରପତିଙ୍କ ଅନୁମୋଦନ
ନୂଆଦିଲ୍ଲୀ: ମହିଳା ସଂରକ୍ଷଣ ବିଲକୁ ରାଷ୍ଟ୍ରପତିଙ୍କ ଅନୁମୋଦନ ମିଳିଛି । ରାଷ୍ଟ୍ରପତିଙ୍କ ଅନୁମୋଦନ ପରେ ଆଇନରେ ପରିଣତ ହୋଇଛି ‘ମହିଳା ସଂରକ୍ଷଣ ବିଲ୍’ । ନୂଆ ଆଇନରେ ବିଧାନସଭା ଓ ଲୋକସଭାରେ ମହିଳାଙ୍କ ପାଇଁ ୩୩ ପ୍ରତିଶତ ସଂରକ୍ଷଣ ରହିବ । ତେବେ ୨୦୨୪ ନିର୍ବାଚନରେ ଏହି ଆଇନ୍ ଲାଗୁ ହେବ ନାହିଁ ।
ଦେଶରେ ଜନଗଣନା ସମ୍ପୂର୍ଣ୍ଣ ହେବା ପରେ ସୀମା ନିର୍ଦ୍ଧାରଣ ହେବ । ତା ପରେ ଯାଇ ଆଇନ୍ ଲାଗୁ ହୋଇ ପାରିବ । ୨୦୧୮ରେ ଏନେଇ ଓଡ଼ିଶା ବିଧାନସଭାରେ ପାରିତ ହୋଇଥିଲା ପ୍ରସ୍ତାବ । ୨୨ଟି ରାଜନୈତିକ ଦଳର ସହମତି ପାଇଁ ବିଜେଡି ଉଦ୍ୟମ କରିଥିଲା । ୨୦୧୯ ଲୋକସଭା ନିର୍ବାଚନରେ ବିଜେଡି ୩୩ ପ୍ରତିଶତ ମହିଳାଙ୍କୁ ପ୍ରାର୍ଥୀ କରିଥିଲା ।
ଗାଡ଼ି ରଖିବାକୁ ନେଇ ସ୍ଥାୟୀ ଓ ଉଠା ଦୋକାନୀ ମୁହାଁମୁହିଁ, ୧ ନମ୍ବର ହାଟର ୧୨ ଶହରୁ ଅଧିକ ଦୋକାନରେ ତାଲା
ପୌର ଓ ପଞ୍ଚାୟତ ନିର୍ବାଚନରେ ୫୦ ପ୍ରତିଶତରୁ ଅଧିକ ମହିଳା ନିର୍ବାଚିତ ହୋଇଥିଲେ । ଆଜି ନାରୀ ଶକ୍ତି ବନ୍ଦନ ଅଧିନିୟମରେ ରାଷ୍ଟ୍ରପତି ମୋହର ମାରିଛନ୍ତି । ଗତ କିଛି ଦିନ ତଳେ ରାଜ୍ୟସଭାରେ ପାରିତ ହୋଇଥିଲା ମହିଳା ସଂରକ୍ଷଣ ବିଲ୍ (ନାରୀ ଶକ୍ତି ବନ୍ଦନ ଅଧିନିୟମ) ।
ଗୃହରେ ଉପସ୍ଥିତ ଥିବା ସମସ୍ତ ସାଂସଦ ବିଲ୍ ସପକ୍ଷରେ ଭୋଟ୍ ଦେଇଥିଲେ । ବିଲ୍ ସପକ୍ଷରେ ପଡ଼ିଥିଲା ୨୧୫ ଭୋଟ । ବିଲ୍ ବିରୋଧରେ ଗୋଟିଏ ବି ଭୋଟ ପଡ଼ିନଥିଲା । ସର୍ବସମ୍ମତି କ୍ରମେ ରାଜ୍ୟସଭାରେ ବିଲ୍ ପାରିତ ହୋଇଥିଲା । ଏହା ପରେ ବିଲକୁ ରାଷ୍ଟ୍ରପତିଙ୍କ ଅନୁମୋଦନ ପାଇଁ ପଠା ଯାଇଥିଲା । ରାଷ୍ଟ୍ରପତିଙ୍କ ମୋହର ବାଜିବା ପରେ ଆଇନରେ ପରିଣତ ହୋଇଛି ।
ଅମିତ ଶାହଙ୍କ ଶରଣ ପଶିଲେ ସୌମ୍ୟରଞ୍ଜନ, ଆଉ ‘ସମ୍ବାଦ’ରେ ଖୋଳତାଡ଼ କରିବନି EOW !
